ഇരപിടിയന്റെ സൌഹൃദം
ഒരധിനിവേശമാണ്.
മുട്ടിവിളിയുടെ മുന്ജാമ്യംപോലുമില്ലാതെ
മൌനംതുറക്കും,
ഒരു ചിരിയോ ഉപചാരമോ കൊണ്ട്
ഉള്ളിലെക്കൊരു പരവതാനിവിരിയ്ക്കും,
പിന്നെ,തന്ത്രപ്രധാനമായപഞ്ചേന്ദ്രിയങ്ങള്
ഒന്നൊന്നായ് പിടിച്ചെടുക്കും,
തലയ്ക്കുമുകളില് തത്വശാസ്ത്രങ്ങളുടെ
തന്തയില്ലാ വിമാനങ്ങള്
നിരീക്ഷണപറക്കല് നടത്തും,
കാരുണ്യം, ദയ, സ്നേഹം, പ്രണയം
എന്നീ ജൈവകൃഷിയുടെ
പേറ്റെന്റവന് കവര്ന്നെടുക്കും,
കപടാശയങ്ങളുടെ ഷണ്ഡികരിച്ച
ജനിതക വിത്തുകള് വിതയ്ക്കാന് തരും.
തിരിച്ചറിയാന് സൂക്ഷ്മതലത്തിലൊരു
അടയാളവും അറിഞ്ഞുകൊണ്ട്
ബാക്കി വെക്കില്ല.
എങ്കിലും പരമസാത്വികന്റെ
പഴഞ്ചന് കുപ്പായം വ്യക്തിത്വത്തിന്റെ
ബാര്കോഡായി കയ്യിലുണ്ടാകും.
പുച്ഛവും, ധാര്ഷ്ട്യവും, അഹന്തയും
നവരസങ്ങളുടെ രസകൂട്ടില്
വിഷാദം ചമയ്ക്കും.
ഉണര്ന്നെണീയ്ക്കാന് ഒരുകീറു-
ഭൂമി തിരയുന്നുവേന്കില്!
ഇരപിടിയന്റെ സൌഹൃദം
അധിനിവേശമെന്നുനിങ്ങള്
തിരിച്ചറിയുകയും, ഒരു പരാജിതന്റെ
മുഖച്ചായയായിരുന്നു അവനെന്ന്
ഓര്മ്മപ്പെടുകയും ചെയ്യും.
വിശക്കുന്നവന്റെ മുന്നില് ഇര
ജീവശാസ്ത്രം !
ഇരയ്ക്ക് മുന്നില്
ഇരപിടിയനെന്തു പ്രത്യേയശാസ്ത്രം
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ